EFEK RUMAH KACA : sabab musabab pamanasan global
Assalamu’alaykum baraya, pendak deui dina tulisan ka 2 ngeunaan pamanasan global
Dina bagian ka2 iyeu, sim kuring bakal ngaguar ngeunaan naon wae anu jadi matak ayana pamanasan global. Tapi ngarah runut, urang bahas heula ngeunaan EFEK RUMAH KACA anu jadi permasalahan pokok dina pamanasan global. Kecap kuncina nyaeta : PAmanasan global ~ Efek Rumah kaca.
Baraya, Anu disebut efek rumah kaca nyaeta hiji fenomena dimana panas panonpoe anu nyebrot sabagean nyerep ka bumi, sabagean deui dipantulkeun. Ku ayana atmosfir (lapisan pelindung bumi) jeung gas-gas anu lian di atmosfer, sorot panonpoe henteu kabeh dipantulkeun. Tapi kajebak diantara bumi jeung atmosfer. Ku ayana panas sorot panonpoe anu kajebak tea, manusia, sato jeung tutuwuhan bias harirup di bumi. Atuh lamun euweuh eta, bisa dibayangkeun bumi camewek tiisna.
Hanjakalna, ku lantaran loba gas-gas anu teu perlu anu diproduksi ku manusa unggal poena (misalna wae haseup kendaraan, haseup pabrik jrrd) panas anu kajebak jadi di luhur rata-rata anu dibutuhkeun jang hirup manusa. Antukna, Bumi jadi pnasa jiga ayeuna
Kacindekanana : produksi gas (utamana karbondioksida CO2) anu kaleuleuwihi ngabalukarkeun komposisi gas anu kajebak di bumi beuki loba tur jadi sabab anu disebut pamanasan global
